Tarazdaǵy balalar úıiniń jetkinshekteri «Real Madrıd» klýbymen kezdesýge attandy
Atalmysh týrnırde «Tulpar» komandasy jeńimpaz atandy. Olar - 11-14 jas aralyǵyndaǵy ata-ana qamqorlyǵynsyz qalǵan balalar. Qazir jetkinshekter Taraz qalasyndaǵy ómirlik qıyn jaǵdaıdaǵy balalardy qoldaý ortalyǵynda tárbıelenip jatyr.
Balalardyń Ispanııaǵa sapary «Real Madrıd» fýtbol klýbymen kezdesýmen este qalady. Sonymen qatar olar Ispanııa koroliniń saraıyna, «Santıago Bernabeý» stadıony men murajaıyna, Qazaqstannyń Ispanııadaǵy konsýldyǵyna saıahattaıdy. Sapar 27 qazanǵa deıin jalǵasady.
Esterińizge sala keteıik, 10-13 qyrkúıekte Almaty qalasynda Ispanııadaǵy úzdik klýbtardyń biri - «Real Madrıd» fýtbol klýbymen kezdesý úshin balalar úıi men mektep-ınternat tárbıelenýshileri arasynda 12 myqty komanda ózara baq synasty. Jalpy, joba boıynsha 300-ge jýyq fýtbolshy balanyń atynan ótinim qabyldandy.
«Chempıonattyń basty maqsaty - balalardy yntalandyrý jáne ata-ana qamqorlyǵynsyz qalǵan jetimder arasynda talantty fýtbolshylardy damytý. Bizdiń qor birneshe jyl qatarynan osyndaı buqaralyq sportty damytýǵa kómek kórsetip jatyr. Máselen, búkil el boıynsha qazirgi zamanǵy sport jáne balalar oıyn alańdaryn ornatý boıynsha joba iske asyrylýda, daryndy balalarǵa jol granttary úlestirilýde, respýblıkalyq jazǵy spartakıada ótti», - deıdi «Samruk-Kazyna Trust» áleýmettik jobalardy damytý qorynyń resmı ókili Mıras Irgebaev.
«Armanyńa jaqynda» chempıonatynyń uıymdastyrýshysy - «BAURZHAN» qaıyrymdylyq qory, bas áriptes - «Samruk-Kazyna Trust» áleýmettik jobalardy damytý qory.
