Tarazdaǵy balalar úıindegi qatigezdik týraly vıdeoǵa polıtsııa túsinik berdi
TARAZ. QazAqparat – Oblystyq polıtsııa departamenti Tarazdaǵy «Úmit» balalar úıiniń tárbıelenýshilerine qatysty taraǵan vıdeoǵa qatysty aqparat taratty, dep habarlaıdy QazAqparat.
«Facebook» áleýmettik jelisinde áıel adamnyń «Úmit» balalar úıiniń tárbıelenýshilerine qatysty qatygezdik is-áreketin kórsetetin beınejazbasy jarııalaǵan bolatyn. Soǵan oraı quzyrly organ shuǵyl shara qabyldap, jumystar júrgizilip jatqanyn habarlady.
«Atalǵan balalar úıiniń 54 jastaǵy tárbıeshisine qatysty Qylmystyq kodekstiń 140-baby 2-bóligimen sotqa deıingi tergep-tekserý amaldary bastaldy. Tergeý barysynda mekeme qyzmetkerlerinen jaýap alynyp, beınebaqylaý kameralarynyń jazbalary alyndy. Sondaı-aq, tıisti saraptamalar taǵaıyndaldy»,-dedi oblystyq polıtsııa departamentiniń basshysy Arman Orazalıev.
Sondaı-aq, ol departament tarapynan oblystyq ákimdikke sot sheshimine deıin tárbıeshini laýazymynan bosatý týraly usynys joldanǵanyn jetkizdi.
Departament basshysy oqıǵaǵa qatysty barlyq jaǵdaı óziniń jeke baqylaýynda bolatynyn aıtty.
