Tarazdaǵy balalar aýrýhanasynyń bas dárigeri jumystan qýyldy
Bas dárigerdiń jumystan ketýine taıaýda júrgizilgen tekserý qorytyndysy negiz boldy. Egý bólmelerinde eden súrtkishter men tazartqysh quraldar tolyp tur. Jedelsaty da isten shyqqan. Aıtylǵan kemshilikter aımaq basshysynyń tapsyrmasymen atalǵan mekemege eskertýsiz barǵan jumysshy toptyń tekserisi kezinde anyqtaldy.
Bul mekemeniń jumysyna jıi syn aıtylady. Soǵan qaramastan kemshiliktiń túzetilgeni az. Bakterııalyq sebý jáne egý bólmesi tazartqysh qural-jabdyqtardy qoıatyn orynǵa aınalǵan. Alynǵan synamalar naýqas jatatyn palatalarda sol kúıi umyt qalǵan. Dári qutylary qujattarǵa arnalǵan sóre mańynda shashylyp jatyr. Al, tońazytqyshtaǵy kókónisterdiń paıdalaný merzimi ótip ketken. Emdeý mekemesindegi beıbereketsizdikti kózben kórgen oblys ákiminiń orynbasary sala basshysyna kemshilikterdi tez arada túzetýdi tapsyrdy.
«Aıtylǵan faktilerdiń bári anyqtaldy. Osy faktilerge baılanysty Densaýlyq saqtaý basqarmasy atynan sheshim qabyldandy jáne Jambyl oblystyq ınfektsııalyq aýrýlar aýrýhanasynyń bas dárigeri ornynan bosatyldy»,-deıdi Jambyl oblystyq Densaýlyq saqtaý basqarmasy basshysynyń orynbasary Hamıt Myrzaqasymov.
