Tarazdaǵy bala zorlaý oqıǵasynan keıin Almatyda bos turǵan 12 ǵımarattyń esigi mórlenip, jabyldy
ALMATY. QazAqparat - Tarazdaǵy bala zorlaý oqıǵasynan keıin Jetisý aýdanynda qańyrap bos turǵan ǵımarattardyń esikteri mórlenip, jabyldy, dep habarlaıdy QazAqparat tilshisi.
Bul týraly qoǵamdyq keńestiń otyrysynda aýdan ákimi Maqsat Qıqymov aıtty.
«Tarazdaǵy oqıǵadan keıin biz dereý mektep aınalasyndaǵy qaraýsyz qalǵan ǵımarattardy tekserip shyqtyq. Nátıjesinde bos turǵan 12 ǵımarat anyqtaldy. Olardy shuǵyl túrde jaýyp tastadyq. Aıta keteıik, onyń barlyǵy - jeke menshik», - deıdi aýdan ákimi
Eske salaıyq , 2019 jyldyń 15 qarashasynda Taraz qalasyndaǵy mektepterdiń biriniń ájethanasynda kámelet jasyna tolmaǵan oqýshy qyz zorlandy. Atalǵan derek boıynsha Jambyl oblysynyń polıtsııa departamenti Qylmystyq Kodekstiń 120-baby 4-bólimi jáne 121-baby 4-bólimimen sotqa deıingi tergeý amaldaryn bastady.
Jambyldyq polıtseıler aýyr qylmys jasaǵan kúdiktini oqıǵanyń izin sýytpaı ustady .
Keıinnen anyqtalǵandaı, kámeletke tolmaǵan qyz oblys ortalyǵyndaǵy №6 mekteptiń oqýshysy bolyp shyqty. Kúdikti azǵyndyq áreketin mekteptiń syrtyndaǵy ájethanada jasaǵan.
Keıin bilim oshaǵynyń basshylary qyzmetinen ketti.
Foto: newsvl.ru