Tarazda jyndyhanadan qashpaq bolǵan naýqas bomba bar dep polıtsııaǵa ótirik aıtqan

TARAZ. QazAqparat - Jambylda jarylǵysh týraly jalǵan aqparat bergen er adam ustaldy, dep habarlaıdy QazAqparat.

11 jeltoqsanda «102» qyzmetine Jambyl oblystyq psıhıkalyq densaýlyq ortalyǵynyń ǵımaratynda jarylǵysh qurylǵy bar degen habar túsken.

Atalǵan mekenjaıǵa jedel kelgen quqyq qorǵaý organdarynyń qyzmetkerleri arnaıy is-sharalar ótkizdi.

Tekserý nátıjesinde jarylǵysh qurylǵy tabylǵan joq.

Jedel-izdestirý sharalary barysynda polıtseıler osy mekemede májbúrli túrde emdelip jatqan oblys ortalyǵynyń 21 jastaǵy turǵynyn anyqtap, ustady.

Ustalǵan adamnyń aıtýynsha, osylaısha ol ortalyqtan qashýdy josparlaǵan.

Osy derekke qatysty Qazaqstan Respýblıkasy Qylmystyq kodeksiniń 273-babymen sotqa deıingi tergeý amaldary bastaldy.

Kúdikti óz kinásin tolyq moıyndady. Ol Taraz qalasynyń ýaqytsha ustaý ızolıatoryna qamaldy.