Tarazda jylýmen jabdyqtaý mekemesi 2 mlrd teńgege satylady
«Tarazenergoortalyq» AQ Taraz qalasyna basty jylý men ystyq sýdyń jetkizýshi, bul uıym oblys ortalyǵyndaǵy kóp qabatty turǵyn úılerdiń 70%-yn jylýmen qamtamasyz etedi.
«Tarazenergoortalyq» AQ aktsııalarynyń 100%-dyq memlekettik paketi keleside satyp alý quqyǵymen 10 jylǵa senimdi basqarýǵa berý boıynsha tenderge qoıylady. Bastapqy quny - 1 963 750 000 teńge, kepildik jarnasy - 294 562 500 teńge. Jambyl oblystyq qarjy basqarmasy keleside satyp alý quqyǵymen senimdi basqarýǵa berý boıynsha elektrondy tender ótkiziletini týraly habarlaıdy», - delingen saıtta.
Tender sharttaryna oraı, 2027 jylǵa deıin «Tarazenergoortalyq» AQ kúrdeli jóndelip, TEO-4 keńeıtilýi, elektr jáne jylý energııasyn shyǵarý rejıminde jumys isteıtin túrlendirý qýattary jańartylýy tıis. Kúrdeli jóndeý qoldanystaǵy ortalyqtanǵan jylýmen qamtý júıesin saqtaı otyryp, qýatty jańa qondyrǵylardy ornatýdyń esebinen elektr energııasyn óndirýdi arttyrýǵa, qoldanystaǵy óndiris alańdaryn barynsha tıimdi paıdalanýǵa qol jetkizý maqsatynda ótkiziledi.
Jambyl oblystyq qarjy basqarmasynyń basshysy Gamlet Qaınarbekovtiń aıtýynsha, «Tarazenergoortalyq» AQ buǵan deıin úsh ret tenderge shyǵarylǵan.
«Oblystyq keńes berý-dıagnostıka ortalyǵy, «Taza qala Qarataý» JShS jáne «Aısha Bıbi» sý polosy klýby eki retten tenderge qoıylǵan. Tenderde ótpeı qalǵan uıymdar qaıta qoıylady», - dedi ol.
Oblystyq qarjy basqarmasynyń málimetterine qaraǵanda, óńirde jalpy 37 kommýnaldyq menshik uıymy jekeshelendirilýi tıis bolǵan. Sonyń ishinde eki seriktestik taratyldy, 10 uıym senimdi basqarýǵa berildi. Olardyń ishinde: «Bolashaq» jáne «Raýan» balalar saýyqtyrý ortalyqtary, Tarazdaǵy eki turǵyn úı kommýnaldyq sharýashylyq kásiporny, úsh qalalyq emhana, oblystyq stomatologııa, oftalmologııalyq ortalyq, terivendıspanser bar.
Qazirgi kezde 1,9 mlrd teńgege tórt uıym, sonyń ishinde «TarazQurylysProekt» JShS, №1 jáne №4 qalalyq emhanalar jáne «Ortalyq dıspetcherlik qyzmet» satylǵan.
