Tarazda jylý júıesine 1 187 turǵyn úı qosylǵan

ASTANA. QazAqparat - Taraz qalasynda ortalyqtandyrylǵan jylý júıesine 1 187 turǵyn úı qosylǵan. Búgin Óńirlik kommýnıkatsııalar qyzmetinde Taraz qalasynyń otyn-energetıka kesheni, turǵyn úı-kommýnaldyq sharýashylyq jáne bıýdjettik nysandaryn 2016-2017 jyldardaǵy jylytý maýsymyna daıyndyǵy týraly brıfıng ótti. Bul týraly Taraz qalasy ákiminiń orynbasary Ahaev Maqsat Keńeshanuly málimdeme jasady.

Taraz qalasyndaǵy jylý óndirýshi jáne jylý jetkizýshi mekemeler qatarynda «Tarazenergoortalyq» AQ, «Taraztransenergo» MKK, «Jambyl-Jylý» MKK, «Temirjol-Jylý» MKK, «JGRES» AQ, «Sofııa» JShS-lary bar.

Jalpy qalada 247,473 km jylý júıeleri bar, onyń ishinde: magıstraldyq júıeler - 72,450 km, ishki kvartaldyq júıeler - 175,023 km.

Ortalyqtandyrylǵan jylý júıesine 1187 turǵyn úıler qosylǵan, onyń ishinde: «Tarazenergoortalyq» AQ - 859, «Jambyl-Jylý» MKK - 165, «Temirjol-Jylý» MKK - 98, «JGRES» AQ - 55, «Sofııa» JShS - 10.

Búgingi tańda jalpy 1190 kóp páterli turǵyn úı jylytý maýsymyna daıyn jáne daıyndyq jónindegi pasporttary ázirlenip 100 % daıyn.

«Turǵyn úı-kommýnaldyq sharýashylyǵyn jańǵyrtý-2020» baǵdarlamasy aıasynda qaıtarym qarajat esebinen 232,6 mln teńgege 22 úıdiń ınjenerlik taratý júıeleri aǵymdy jóndeýden ótti.

Búgingi tańda jalpy 743 kóp páterli turǵyn úı ystyq sý júıesine qosyldy.

Aǵymdaǵy jyly 2,616 km jylý júıeleri aýystyryldy. Investıtsııalyq baǵdarlama boıynsha kásiporyn óz qarajaty esebinen 45 775,36 myń teńgege TK-135 jáne TK-117 jylý júıelerin kúrdeli jóndeýden ótkizdi.

 «Taraz qalasy boıynsha jylý jáne ystyq sý qyzmetterine qalyptasqan debıtorlyq qaryz beresheginiń jalpy sommasy 98,498 mln teńgeni quraıdy, onyń ishinde: turǵyndar qaryzy - 91,300 mln teńgeni quraıdy» dep, - habarlady Maqsat Keńeshanuly.