Tarazda júrgizýshi kýáligin jasap berem dep aldaǵan 32 jastaǵy jigit ustaldy

TARAZ. QazAqparat - Tarazda júrgizýshi kýáligin jasaýǵa ýáde bergen er adam ustaldy, dep habarlaıdy Polisia.kz.

Taraz qalasynyń polıtsııa basqarmasyna oblys ortalyǵynyń eki turǵyny shaǵymdanyp kelgen.

Olar beıtanys er adamnyń senimine kirip, júrgizýshi kýáligin daıyndaýǵa járdem kórsetý syltaýymen olardyń 425 myń teńge jáne 80 myń teńge kólemindegi qarajatyn qaltasyna basqanyn habarlady.

Alaıda jábirlenýshilerge ýáde etilgen qyzmet kórsetilmegen, aqsha da qaıtarylmaǵan.

Osy derekke qatysty QR QK 190-baby 3-bóligi boıynsha sotqa deıingi tergeý amaldary bastaldy.

Polıtsııa qyzmetkerlerimen júrgizilgen jedel-izdestirý is-sharalarynyń barysynda Almaty oblysynyń 32 jastaǵy turǵyny ustaldy.

Tergeý barysynda kúdiktiniń turǵyndarǵa teorııalyq jáne tájirıbelik emtıhandarsyz júrgizýshi kýáligin alýdy usynǵany anyqtaldy.

Ol qolhatpen bosatyldy.