Tarazda júk kóligi 58 jastaǵy áıeldi qaǵyp óltirip, qashyp ketken
TARAZ. QazAqparat – Búgin Taraz qalasynyń Jambyl dańǵyly boıynda «Volvo» markaly júk kóligi jaıaý júrginshini qaǵyp ketip, 58 jastaǵy áıel oqıǵa ornynda qaza tapty, dep habarlaıdy QazAqparat tilshisi.
Kóp uzamaı kúdikti avtokóliktiń júrgizýshisi anyqtalyp, ustaldy. Bul týraly oblystyq polıtsııa departamentiniń baspasóz qyzmeti málimedi.
«Oqıǵa ornynda polıtsııa qyzmetkerleri tekserý amaldaryn júrgizýde, tıisti saraptamalar taǵaıyndaldy. Atalǵan derek boıynsha Qylmystyq kodekstiń 345-baby 3-bóligi boıynsha sotqa deıingi tergeý bastaldy»,-delingen vedomstvo habarlamasynda.
Qazirgi tańdatergeý sharalary polıtsııa departamenti basshylyǵynyń baqylaýyna alynǵan.
