Tarazda jolaýshylar avtobýsy KamAZ-ǵa soǵyldy
TARAZ.QazAqparat - Jolaýshylar avtobýsynyń KamAZ-ǵa soǵylýynan keıin tórt adam Taraz qalalyq aýrýhanasyna jetkizildi, dep habarlaıdy «QazAqparat» HAA tilshisi.
Quqyq qorǵaý organdarynyń málimdeýinshe, apat Sýhe Batyr jáne Şerbakov kósheleriniń qıylysynda bolǵan. Búgin tańerteń basty kóshede kele jatqan 11 baǵytty jolaýshylar avtobýsy buryla bere qosalqy joldaǵy KamAZ-ǵa soǵyldy. Kýágerlerdiń aıtýynsha, bul ýaqytta baǵdarsham jumys istemegen. Qazirgi ýaqytta zardap shekken tórt azamat №1 qalalyq aýrýhanada em alyp jatyr. Dárigerlerdiń habarlaýynsha, aýrýhanaǵa túrli deńgeıdegi jaraqat alǵan 24 adam kelgen, barlyǵyna tıisti medıtsınalyq járdem kórsetilip, eki adamǵa ota jasalǵan. Zardap shekkenderdiń qazirgi jaǵdaıy birqalypty.
