Tarazda jolaýshylar avtobýsy aýdaryldy
TARAZ. QazAqparat - Búgin Tarazda qalalyq qoǵamdyq kólik jol apatyna ushyrady, dep habarlaıdy QazAqparat.
Oqıǵa ornyndaǵy fotosýretter áleýmettik jelide tarap ketti. Onda Tóle bı dańǵyly men Mechnıkov kóshesiniń qıylysynda, «Ortalyq meshit» aıaldamasynyń mańynda aýdarylǵan avtobýstyń jatqanyn kórýge bolady.
Bul №16 baǵdardyń avtobýs bolyp shyqty. Bastapqy nusqa boıynsha, júrgizýshi tizginge ıe bola almaı, qatty jyldamdyqpen kele jatyp kólikti aýdaryp alǵan.
Jambyl oblystyq TJD bólim bastyǵy Dáýlet Ahmetbekovtiń aıtýynsha, jol apatynan eshkim zardap shekpegen. «Jedel járdem shaqyryldy, biraq eshkim zardap shekpegendikten olar qaıtyp ketti», - dedi ol.
Jambyl oblystyq ІІD jol apatyna qatymty qosymsha aqparattardy keıinirek jarııalaıtyndyqtaryn málim etti.
