Tarazda jol erejesin óreskel buzǵan úılený toı korteji jazalandy
Jaqynda áleýmettik jelilerde Taraz qalasynyń kóshelerimen ótip bara jatqan úılený toıy kortejiniń quramyndaǵy kólik júrgizýshileriniń jol qozǵalysy erejelerin óreskel buzǵany týraly beınejazba jarııalanǵan bolatyn.
Beınejazbany zerdeleý barysynda polıtsııa qyzmetkerleri Taraz qalasynyń Jambyl dańǵylynda jol erejesin buzý deregi oryn alǵanyn anyqtady.
Osyǵan qatysty Jambyl oblysynyń polıtsııa departamenti jergilikti polıtsııa basqarmasynyń qyzmetkerleri 5 júrgizýshini ákimshilik jaýapkershilikke tartty.
Tutastaı alǵanda, ákimshilik quqyq buzý týraly 15 hattama toltyryldy. Bul týraly oblystyq polıtsııa departamentiniń baspasóz qyzmeti habarlady.
Atap aıtsaq, «Rolls-Royce Phantom» avtokóliginiń júrgizýshisine qatysty Qazaqstan Respýblıkasynyń mindetti saqtandyrý týraly zańnamasyn buzǵany úshin jáne mindetti tehnıkalyq baıqaýdan ótpegen kólik quralyn basqarǵany úshin hattama toltyryldy.
Al «VAZ-2114» avtomobıliniń júrgizýshisi QR ÁQBtK 595-baby 1-bóligi boıynsha jáne 590-baby 9-bóligi boıynsha ákimshilik jaýapkershilikke tartyldy.
« Sol sekildi «LADA PRIORA» markaly kólik quralynyń júrgizýshisine qatysty jol qozǵalysy erejelerin buzǵany úshin 3 hattama jasaldy» delingen habarlamada.
