Tarazda joǵalǵan 15 jasar oqýshy Almatydan tabyldy
TARAZ. QazAqparat – Jambyldyq polıtseıler bir táýlik ishinde joǵalǵan jasóspirimdi tapty, dep habarlaıdy QazAqparat tilshisi.
Taraz qalasynyń polıtsııa basqarmasyna 1969 jyly týǵan azamatsha júginip, kámeletke tolmaǵan 15 jasar uly Jánibek Júzbaıdyń iz-túzsiz joǵalyp ketkenin aıtqan.
Uly tańerteń úıinen belgisiz baǵytta shyǵyp, qaıtyp oralmaǵan.
Atalǵan derek boıynsha Taraz qalasy polıtsııa basqarmasynyń qyzmetkerleri shuǵyl tergeý bastaǵan.
Óıtkeni polıtsııa qyzmetkerleri joǵalǵan jasóspirimniń kózi kórmeıtin ekinshi toptaǵy múgedek ekenin anyqtady.
«Jánibekti izdeýge qalalyq jáne aýdandyq polıtsııa bólinisteriniń jeke quramy jumyldyryldy. Sonymen qatar, izdeý sharalaryna Jambyl oblysynyń eriktileri qosyldy. Bir táýlikten keıin Taraz qalasy polıtsııa basqarmasynyń qyzmetkerleri iz-túzsiz joǵalǵan kámeletke tolmaǵan J.Júzbaıdyń Almaty qalasynda ekenin anyqtady. Qazirgi ýaqytta jasóspirim úıine aman-esen oraldy» delingen vedomstvo habarlamasynda.
