Tarazda jylyna 2 myń dana aýyl sharýashylyǵy tehnıkasyn shyǵaratyn zaýyt salynady

ASTANA. KAZINFORM — Taraz qalasynda jylyna 2 myń dana aýyl sharýashylyǵy tehnıkasyn shyǵaratyn zaýyttyń qurylysy bastalmaq. Bul týraly QR Aýyl sharýashylyǵy mınıstrliginiń baspasóz qyzmeti habarlady.

Jambyl oblysyna jumys saparymen barǵan Aýyl sharýashylyǵy mınıstri Aıdarbek Saparov ındýstrııalyq aımaqta boldy. Vedomstvo basshysy aýyl sharýashylyǵy tehnıkasyn qurastyratyn jańa zaýyttyń kapsýlasyn salý rásimine qatysty.

Jobanyń ınvestory — Qytaı Halyq Respýblıkasynyń «Kaz FM World agriculture machinery» kompanııasy.

Jylyna 2 myń dana tehnıka shyǵaratyn zaýyttyń quny — 3 mlrd teńge. Munda 8 túrli traktor modeli, kúrish jınaıtyn jáne maqta teretin kombaındar, tirkemeli jabdyqtar, tuqym sepkishter shyǵarý josparlanǵan.

— Indýstrııalyq aımaqta sý únemdeý tehnologııalary salasynda da jobalardy iske qosý kózdelip otyr. Máselen, Akplas kompanııasynyń jańa jobasy jylyna 200 myń gektarǵa deıin sýarý múmkindigin qamtamasyz etetin ırrıgatsııalyq jabdyq shyǵaratyn zaýyt salýdy qarastyrady, — delingen aqparatta.

Sondaı-aq, odan kem emes mańyzdy jobalardyń biri — Hualing Group Co. Ltd. kompanııasynyń jańbyrlatyp sýarý mashınalaryn shyǵaratyn zaýyt salýy bolmaq. Investıtsııa kólemi — 10 mlrd teńge, jylyna 200 dana mashına shyǵarý josparlanyp otyr.

QR Parlamenti Senatynyń depýtaty Súıindik Aldashev Mańǵystaý oblysynda shaǵyn munaı óńdeý zaýytyn salý kerek ekenin aıtty.