Tarazda jıyrma jastaǵy jigit esirtki jasyryp ketýmen aınalysqan

TARAZ. KAZINFORM — Tarazda polıtseıler esirtki jasyryp ketýshini ustady, dep habarlaıdy Polisia.kz.

Jambyl oblysynda polıtseıler esirtkini jasyryp ketýmen aınalysqan er adamnyń “jumysyn” toqtatty.

20 jastaǵy kúdikti salmaǵy 10,47 gramm bolatyn iri kólemdegi alfa-PVP psıhotroptyq esirtki zattarymen ustaldy. Bul 35 bir rettik dozany quraıdy.

Quryqtaý kezinde odan salmaǵy 4,6 gramm bolatyn sıntetıkalyq esirtkiniń 10 býmasy tabyldy.

Sondaı-aq kúdiktiniń turǵylyqty jerine tintý jumystaryn júrgizý barysynda as úıden jáne qoqys salynǵan jáshikten alfa-PVP psıhotroptyq zaty oralǵan zip-paketter tabyldy. Jaýap alý barysynda ustalǵan adam esirtkini qaldyrǵan mekenjaılardy kórsetti.

Sonymen 12 jasyryn orynnan 5,69 gr sıntetıkalyq esirtki tárkilendi.