Tarazda jezóksheler prıtonyn uıymdastyrǵan 48 jastaǵy áıel ustaldy
TARAZ. QazAqparat – Jambyldyq polıtseıler jezókshelikpen aınalysýǵa arnalǵan prıtondy anyqtady, dep habarlaıdy QazAqparat tilshisi.
«Stop trafık» jedel-aldyn alý is-sharasynyń birinshi kúni Tarazdaǵy Isataı batyr kóshesindegi saýyqtyrý kesheninde polıtsııa qyzmetkerleri jezókshelikpen aınalysý úshin prıton uıymdastyryp, ustaǵan 48 jastaǵy áıeldi ustady.
Atalǵan derekke qatysty QR QK 309-baby 1-bóligi (jezókshelikpen aınalysýǵa arnalǵan prıtondy uıymdastyrý nemese ustaý jáne jeńgetaılyq) boıynsha sotqa deıingi tergeý amaldary bastaldy.
Ustalǵan azamatsha kinásin moıyndady.
«Sondaı-aq, QR ÁQBtK 449-baby 1-bóligi boıynsha ákimshilik jaýapkershilikke tartyldy, QR ÁQBtK-niń 450-baby 1-bóligi boıynsha ákimshilik quqyq buzýshylyq anyqtaldy» delingen oblystyq polıtsııa departamenti baspasóz qyzmetiniń habarlamasynda.
Profılaktıkalyq esepke «sýtener» sanaty boıynsha 2 adam jáne jezókshelikpen aınalysqany úshin 5 áıel qoıyldy.
Profılaktıkalyq is-sharalar jalǵasýda.
