Tarazda jezóksheler prıtony anyqtaldy

TARAZ. QazAqparat – Jambyldyq polıtseıler arnaıy shara barysynda jezóksheler prıtonyn anyqtady,- dep habarlaıdy QazAqparat tilshisi.

«Stop-Trafık» jedel- aldyn alý is-sharasynyń alǵashqy kúni Taraz qalasynyń saýyqtyrý keshenderiniń birinde polıtsııa qyzmetkerleri jezókshelikpen aınalysý úshin prıtondy uıymdastyrýmen jáne ustaýmen aınalysqan 36 jastaǵy áıeldi ustady.

Atalǵan derekke qatysty QR QK 309-babynyń 1-bóligi boıynsha sotqa deıingi tergeý amaldary bastaldy. Ustalǵan azamat kinásin moıyndady.

«Qazaqstan Respýblıkasy Ákimshilik quqyq buzýshylyq týraly kodeksiniń 449-babynyń 1-bóligi (Qoǵamdyq oryndarda tıisý) boıynsha 12 adam ákimshilik jaýapqa tartyldy, QR ÁQBtK-niń 450-babynyń 1-bóligi (Kórineý jezókshelikpen aınalysý nemese jeńgetaılyq úshin úı-jaılar berý) boıynsha 1 ákimshilik quqyq buzýshylyq deregi anyqtaldy»,-delingen oblystyq polıtsııa departamenti baspasóz qyzmetiniń habarlamasynda.

Profılaktıkalyq esepke «sýtener» sanaty boıynsha 1 adam jáne jezókshelikpen aınalysqany úshin 1 áıel qoıyldy.