Tarazda jetimderdiń esepshotynan aqsha jymqyrǵan alaıaq áıel ustaldy
TARAZ. QazAqparat – Taraz qalasyndaǵy Jasóspirimder úıiniń túlegi alaıaqtyqpen aınalysqan, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Taraz qalalyq polıtsııa basqarmasynyń tergeý bólimi alaıaqtyqtyń bes faktisin jasady degen kúdikpen 25 jastaǵy áıeldi ustap, ýaqytsha ızolıatorǵa qamady.
Kúdikti páter satyp alýǵa kómektesemin degen syltaýmen úsh mıllıonnan alty mıllıon teńgege deıingi somany ıemdengen.
«Kúdikti oblystyq jasóspirimder úıiniń túlegi bola tura, osy mekeme túlekteriniń shotynan memleket tarapynan jyljymaıtyn múlik satyp alýǵa bólingen aqshalaı qarajatty qoldy qylýǵa qatysqan. Taraz qalasy PB tergeýshileri ár qylmystyń mán-jaıyn jáne kúdiktiniń kinásiniń dálelderin anyqtaý jolynda aıanbaı eńbek etedi» delingen vedomtsvo habarlamasynda.
