Tarazda jergilikti polıtsııa qyzmeti bastyǵynyń orynbasary ustaldy
ASTANA. QazAqparat - Taraz qalasynyń jergilikti polıtsııa qyzmeti bastyǵynyń orynbasary men batalon komandıri ustaldy, dep habarlaıdy «QazAqparat» HAA Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
«Sybaılas jemqorlyqqa qarsy is-qımyl ulttyq bıýrosynyń Jambyl oblysy boıynsha departamenti Taraz qalasynyń jergilikti polıtsııa qyzmeti bastyǵynyń orynbasary men osy bólimsheniń batalon komandıriniń qylmystyq qyzmetiniń jolyn kesti. Olar ózderine senip tapsyrylǵan bólimshelerden únemi para alyp keldi degen kúdikke ilikti», - delingen habarlamada.
Vedomstvodaǵylar paranyń mólsheri 7 myńnan 180 myń teńgege deıin bolǵan. Jalpy 300 myń teńge mólsherinde para alynǵan.
Qazirgi kezde esimderi atalǵan tulǵalarǵa qatysty «qamaýda ustaý» bultartpaý sharasy qoldanyldy. Sotqa deıingi tergep-tekserýler júrip jatyr.
