Tarazda jer alyp berýge ýáde bergen alaıaq ustaldy
ASTANA. QazAqparat - Taraz qalasynda 60 jastaǵy áıel jer ýchaskesin alyp berýge kómektespekshi bolǵan alaıaqqa qomaqty aqsha bergen. Bul jaıly oblystyń ІІD-ine silteme jasaǵan «ZhambylNews» aqparattyq agenttigi habarlaıdy.
2 tamyz kúni Taraz polıtsııa bólimshesine qalanyń 60 jastaǵy turǵyny kelip, 15 shilde kúni onyń senimine kirgen «Baqytgúl» esimdi tanysy jer ýchaskesin alýǵa kómektesemin degen jeleýmen 1 700 000 teńgesin alyp ketkenin málim etti.
«Jedel izdestirý sharalary barysynda polıtsııa qyzmetkerleri alaıaqtyń tulǵasyn anyqtap, az ýaqyttyń ishinde ustady. Ol 51 jastaǵy Jambyl oblysy Sarykemer aýylynyń týmasy bolyp shyqty. Tergeý barysynda ol kinásin moıyndady. Atalǵan derek QR QK 190 bap 2 tarmaǵy boıynsha sotqa deıingi tergeýdiń biryńǵaı reestrine tirkeldi», - dep habarlaıdy polıtsııa qyzmetkerleri.
Qazirgi ýaqytta sotqa deıingi tekserý jumystary júrgizilip jatyr.
