Tarazda jeńil atletıkalyq jáne gımnastıkalyq manejder salynady
TARAZ. QazAqparat – Bıyl Jambyl oblysynda 14 jańa mektep salynyp, 3 oryn tapshylyǵy bar, 1 apatty jáne 1 úsh aýysymdy mekteptiń máselesin sheshý josparlanýda. Bul týraly óńir basshysy Berdibek Saparbaev halyqpen esepti kezdesýinde aıtty,-dep habarlaıdy QazAqparat.
Bıyl 285 mektep sanıtarlyq júılermen jabdyqtalatyn bolady. Nátıjesinde bul másele oblys mektepteriniń 100 paıyzynda sheshilmek. Sondaı-aq, barlyq mektepter beınebaqylaý júıesimen qamtylady.
Sondaı-aq, densaýlyq saqtaý salasynda 18 jedel járdem kóligin satyp alý, medıtsınalyq jabdyqtaý deńgeıin 92 paıyzǵa jetkizý, MÁMS engizý boıynsha belsendi jumystardy jalǵastyrý josparlanýda.
Sonymen qatar, bıyl óńirde 91 sport alańshasy salynbaq. 1200-den astam jasqa grant berilip, Taraz qalasynda jeńil atletıkalyq jáne gımnastıkalyq manejderiniń qurylysy bastalmaq.
