Tarazda jeńgetaılyqpen aınalysqany úsh kelinshek ustaldy
TARAZ. QazAqparat – Taraz qalasynda «túngi kóbelekter» qyzmetin usynǵan úsh prıton jabyldy, dep habarlaıdy QazAqparat tilshisi.
«Stop-Trafık» jedel-aldyn alý is-sharasynyń úsh kúninde polıtsııa qyzmetkerleri Taraz qalasynda Sypataı batyr, Isataı batyr jáne Beıbitshilik kóshelerindegi saýyqtyrý keshenderinde «túngi kóbelekter» qyzmetin usynǵan úsh prıtondy japty. Jeńgetaılyqpen aınalysqany úshin 48 jastaǵy eki áıel men 34 jastaǵy kelinshek ustaldy.
«Atalǵan derekterge qatysty Qylmystyq kodeksiniń 309-baby 1-bóligi ıaǵnı jezókshelikpen aınalysýǵa arnalǵan prıtondy uıymdastyrý nemese ustaý jáne jeńgetaılyq boıynsha sotqa deıingi tergeý amaldary bastaldy. Ustalǵan azamatshalar kinásin tolyqtaı moıyndady. Profılaktıkalyq esepke «sýtener» sanaty boıynsha 3 adam jáne jezókshelikpen aınalysqany úshin 8 áıel qoıylyp otyr. «Stop-Trafık» sharasy odan ári jalǵasýda»,-delingen oblystyq polıtsııa departamenti baspasóz qyzmetiniń habarlamasynda.
