Tarazda jataqhanada gaz jaryldy, 60 adam qaýipsiz jerge kóshirildi, zardap shekkender bar - QR TJM
ASTANA. 27 maýsym. QazAqparat - Taraz qalasyndaǵy jataqhanada bolǵan gaz jarylysynan bir áıel men bala kúıik jaraqattaryn aldy, 60 adam qaýipsiz jerge kóshirildi, dep habarlady QR TJM-niń baspasóz qyzmetinen.
Seısenbi, 26 maýsym kúni Tarazda dálizdik úlgidegi jataqhananyń ekinshi qabatynda ornalasqan as bólmede suıytylǵan gaz býynyń jarylysy boldy. Saldarynan kórshiles 6 bólmeniń birindegi jatyn bólme órtenip, kireberis esikter zaqymdaldy.
Jalyn tili 2 sharshy metrge tarady. Jarylys saldarynan kúıik shalǵan 39 jastaǵy áıel men 10 jasar bala aýrýhaǵana jetkizildi.
Órtti sóndirýge «Jedel-qutqarý jasaǵy» MM-niń 4 adamy men 1 tehnıkasy, QR TJM Jambyl oblystyq TJD órtke qarsy qyzmetiniń 14 adamy men 2 tehnıkasy jumyldyryldy.
