Tarazda jasy 100-den asqan qart analardy quttyqtady
ARAZ. Naýryzdyń 9-y. QazAqparat /Galına Skrıpnık/ - Tarazda Halyqaralyq áıelder kúnine arnalǵan merekelik is-shara oblys basshylyǵynyń uzaq ómir súrgen analardy aralaýymen bastaldy: Tarazda jastary 100-den asqan 7 keıýana turady.
Jambyl oblysynyń ákimi Qanat Bozymbaev bıyl 102 jasqa kelgen Altyngúl Tataevany quttyqtady. Aımaq basshysy búginde nemereleri men shóbereleriniń ortasynda baqytty áje atanyp otyrǵan maıdanger jesirine myqty densaýlyq tiledi.
Oblystyq ákimdikte sondaı-aq, kóktem merekesiniń qurmetine arnalǵan saltanatty qabyldaý ótip, oǵan oblys aýdandarynan eńbekker áıelder, eńbek ardagerleri shaqyryldy.
«Biz ómirdiń mánin de, mańyzyn da áıeldermen, olardyń aqylymen, qamqorlyǵymen baılanystyramyz. Eńbek jáne soǵys ardagerlerin osynaý mereke kúni shyn júregimnen quttyqtaǵym keledi. Sizderdiń ereń eńbekterińiz, Otanǵa degen súıispenshilikterińiz, týǵan jerimizdi, ondaǵy beıbitshilik pen kelisimdi saqtap qaldy», dep atap kórsetti ákim óz sózinde
Ákim sondaı-aq, kópbalaly analarǵa «Altyn alqa» jáne «Kúmis alqa» belgilerin tabys etti, al qoǵamdyq-saıası ómirge belsendi atsalysyp otyrǵan qyz-kelinshekterdi oblys ákiminiń Qurmet gramotasymen atap ótti.
