Tarazda jastar 4 tonnaǵa jýyq qoqys jınady

TARAZ. QazAqparat - Tarazda «Jasyl el» eńbek jasaǵyndaǵy jastar «Jeńis» jáne Turar Rysqulov atyndaǵy saıabaqty, «Qarasý» kanalynyń boıyn qoqystan tazartty, dep habarlaıdy QazAqparat tilshisi.

Nátıjesinde atalǵan aýmaqtardan 4 tonnaǵa jýyq qoqys shyǵaryldy.

Taraz qalasy ákimdigi medıa ortalyǵynyń málimetinshe, «Jasyl el» eńbek jasaǵynda bıyl naýryz-qazan aılarynda 350 jas jumyspen qamtylady dep josparlanǵan.

Al byltyr munda 440 jas eńbek etken.

Aıta keteıik, jastardy bos ýaqytynda eńbekke baýlý maqsatynda «Jasyl el» eńbek jasaǵyn jasaqtaýǵa jergilikti bıýdjet esebinen 27 mıllıon teńge qarjy qarastyrylǵan bolatyn.

Eske sala keteıik, sáýir men mamyr boıy búkil el aýmaǵynda ekologııalyq senbilikter ótip jatyr.

Taıaýda Prezıdent Qasym-Jomart Toqaev elordadaǵy jelilik saıabaqta «Jasyl Astana» ekologııalyq aılyǵy aıasynda uıymdastyrylǵan qalalyq senbilikke qatysyp, jastarmen birge aǵash otyrǵyzdy.

Memleket basshysy senbilik barysynda volonterlermen jáne stýdenttermen áńgimelesti.

Buǵan deıin Jambyl oblysynda 7 úıdiń aýlasyn, 1 úıdiń jertólesin sý basqanyn jazǵan bolatynbyz.

30 sáýir saǵat tańǵy 5.30 shamasynda Ismaıl kanalynyń 1,2 shaqyrymynda, ıaǵnı Jambyl aýdany, «Dorojnık» saıajaıy, Gornyı kóshesiniń tusynda sý kanaldyń jaǵalaýyn shaıyp ketti.

Sondaı-aq,Tarazda plastmassa qaldyqtary óńdelip jatqany jaıly aqparatta eriktiler qoqys qaldyqtaryn da kádege asyryp júrgenin aıtqanbyz.