Tarazda jasyryn oryndarǵa esirtki qoıýmen aınalysqan qyz 15 jylǵa sottalýy múmkin

TARAZ. KAZINFORM – Tarazda esirtki qoıyp ketýmen aınalysqan qyz 15 jylǵa sottalýy múmkin. Bul týraly ІІM baspasóz qyzmeti jazdy.

Taraz polıtseıleri sıntetıkalyq zattardy jasyryn oryndarǵa qoıyp ketip júr degen kúdikpen 26 jastaǵy qyzdy ustady. Onyń jaldamaly páterinde tintý júrgizgýdiń nátıjesinde iri krıstaldy untaq zaty bar 6 zip-paket tabyldy. Sot-hımııalyq saraptamanyń qorytyndysyna sáıkes kúdiktiden 12,75 gramm mefedron jáne 95,31 gramm alfa-RVP tárkilendi. Páterden tarazylar men qaptaýǵa arnalǵan ártúrli zattar tabyldy.

26 jastaǵy qyzdyń aıtýynsha, ol esirtki bıznesi salasyna qarjylyq máselelerge baılanysty túsken. Bastapqyda ol ózi paıdalaný úshin «sıntetıka» satyp alǵan. Sodan keıin qarjylyq qıyndyqtarǵa tap bolǵan kezde jasyryn oryndarǵa esirtki qoıyp ketip, qosymsha aqsha tabýdy sheshken.

 

«Tárkilengen zattardyń jalpy salmaǵy 108,06 gramm boldy. Jeńil paıda tabý úshin qyz psıhotroptyq zattardy baılanyssyz satýdy uıymdastyrýǵa sheshim qabyldaǵan. Shema qarapaıym boldy – qolma-qol aqshasyz esep aıyrysý jáne arnaıy jasyryn oryndaǵy taýar. Ol esirtkiniń iri partııasyn arnaıy jasyryn oryndardan alyp ketip, sodan keıin olardy bir dozaǵa shaqtap ólshep, býyp-túıip, odan ári satýmen aınalysqan. Kúdikti qylmystyq toptyń basqa ókilderimen tek áleýmettik jeliler arqyly sóılesken. Polıtseıler qylmystyq áreketke qatysy barlardy anyqtaý boıynsha jumys istep jatyr», – dedi Jambyl oblysy PD esirtki qylmysyna qarsy is-qımyl basqarmasynyń bastyǵy Álim Bajyqbaev.