Tarazda jas jigit meıramhanadan qomaqty aqshany jymqyryp, utys oıynyna tikken
TARAZ. QazAqparat - Tarazda 24 jastaǵy azamat meıramhana seıfinen 1 mıllıon teńgeni jymqyrǵan, dep habarlaıdy «Habar 24».
Onyń bul áreketi beınebaqylaý kameralarynyń birine túsip qaldy. Oblystyq polıtsııa departamentiniń málimetinshe, ol jýyrda ǵana ákimshi bolyp jumysqa ornalasyp, kásip ıesiniń senimine kirgen. Kúdikti urlanǵan aqshany býkmekerlik keńselerge utys oıyndarǵa tigip, jaratyp jibergen. Qazir bul azamat óz kinásin moıyndady.
Sondaı-aq, qaladaǵy kafelerdiń birinde 29 jastaǵy azamat jábirlenýshiniń qaltasynan 1 mln 90 myń teńgesi men 1000 AQSh dollaryn urlap alǵan. Tergep-tekserý nátıjesinde ury anyqtaldy. Ol jasaǵan áreketin moıyndap, ýaqytsha ustaý ızolıatoryna qamaqqa alyndy. Qazir atalǵan qos derek boıynsha qylmystyq is qozǵaldy.
