Tarazda jas ónertapqyshtardyń respýblıkalyq jarysy ótedi

TARAZ. QazAqparat - Taraz qalasynda ónertapqysh balalardyń respýblıkalyq jarysy ótedi, dep habarlaıdy QazAqparat tilshisi.

Aǵymdaǵy jyldyń 10-11 maýsym kúnderi ótetin tehnıkalyq-shyǵarmashylyq jáne ónertapqyshtardyń baıqaýyna elimizdiń barlyq óńirinen 180-ge jýyq daryndy bala qatysady dep kútilýde. Olar óz jobalaryn sarapshylar men baıqaýshylar aldynda qorǵaıtyn bolady.

Jas ónertapqyshtardyń saıysynda «Úzdik ónertapqysh», «Altyn zymyran», «Úzdik tehnık», «Úzdik keme qurastyrýshy», «Úzdik kólik qurastyrýshy», «Úzdik áýe modeldeýshi» nomınatsııalary boıynsha jeńimpazdar anyqtalatyn bolady.

Baıqaý maqsaty - bilim alýshylardyń shyǵarmashylyǵyn, tanym qabiletin, ıntellektýaldyq bastamalaryn qoldaý.