Tarazda jańa týǵan sábıdi 1,5 mln teńgege satqan akýsherler qamaýǵa alyndy
TARAZ. QazAqparat - Jambyl oblysynda jańa týǵan sábıdi satý faktisiniń joly kesildi, dep habarlaıdy QazAqparat oblystyq prokýratýraǵa silteme jasap.
Taraz qalasynyń prokýratýrasy jáne Jambyl oblysy PD uıymdasqan qylmysqa qarsy is-qımyl basqarmasymen birlesip jedel izdestirý sharalaryn júrgizdi.
Sonyń nátıjesinde jańa týǵan sábıdi satý faktisi anyqtaldy.
Bıylǵy 12 qańtar kúni atalǵan derek boıynsha QR QK 135-babynyń 1-bóligimen sotqa deıingi tergeý bastalǵan. Onyń barysynda 39 jastaǵy áıeldiń jańa týǵan qyz balany akýsherden 1,5 mln teńgege satyp alǵany áshkere bolǵan.
Taraz qalalyq kópbeıindi aýrýhanasynyń 2 medıtsınalyq qyzmetkeri ustalyp, QR QPK 128-babymen ýaqytsha ustaý ızolıatoryna qamaqqa alyndy.
Atalǵan qylmystyq istiń tergelý barysy qala prokýratýrasynyń baqylaýyna alynǵan.
Náreste qazir Taraz qalalyq sábıler úıinde.
Foto: polisia.kz
