Tarazda jalǵyzbasty ákelerdiń qozǵalysy týraly aıtyldy
TARAZ. QazAqparat - «Ákeler odaǵy» qoǵamdyq birlestiginiń bólimsheleri respýblıkanyń barlyq óńirlerinde ashylyp jatyr, dep habarlaıdy QazAqparat tilshisi.
«Jambyl oblysynda jalǵyzbasty ákeler jıi kezdesedi. Bizdiń elimizde otbasy jáne rýhanı-ónegelilik qundylyqtar ınstıtýtyn nyǵaıtý, sondaı-aq balalardy tárbıeleýdegi ákelerdiń róli boıynsha memlekettik saıasat júzege asyrylyp jatyr. Buǵan taıaýda ótken III respýblıkalyq ákeler forýmy kýá. Forýmǵa Qazaqstannyń barlyq óńirinen 200 delegat - úlgili ákeler jınaldy», - dedi oblys ákimdigi janyndaǵy Áıelder isteri jáne otbasylyq-demografııalyq saıasat jónindegi komıssııa hatshysy Baqyt Jaqsylyqova.
III respýblıkalyq ákeler forýmyna Jambyl oblysynan bes balany jalǵyz tárbıelep otyrǵan «Osvobojdenıe-ıÝg» qoǵamdyq qorynyń prezıdenti Dáýren Baǵjanov pen jeti balanyń ákesi, jeke kásipker Ǵalymjan Qalymbetov barady.
Jambyl oblysy ákimdigi kámeletke tolmaǵandar isi jáne olardyń quqyǵyn qorǵaý jónindegi komıssııanyń deregi boıynsha, 10 myńnan astam jambyldyq bala tolyq emes otbasynda tárbıelenip jatyr. Sondaı-aq, balalardyń 65% - ákeleri, 35% analary tárbıeleýde.
Statıstıkalyq derekter boıynsha, Jambyl oblysy turǵyndarynyń jalpy sany jyl basynda 1,111 mln adam bolǵan. Sonyń ishinde 18 jasqa deıingi balalardyń úlesi 30% qurap otyr.
