Tarazda jalǵan nómirmen júrgen kólik júrgizýshisi ustaldy
Taraz qalasy patrýldik polıtsııa batalony qyzmetkerleri jol erejesin buzǵan «Toyota camry» markaly avtokóligin toqtatady. Tekserý barysynda avtokólikte turǵan memlekettik nómirdiń jalǵan ekendigi anyqtalady.
Júrgizýshiniń aıtýynsha, ol óziniń kóligine tıesili nómirdi sheship, jalǵan nómirdi beınebaqylaý kameralaryna túspes úshin taǵyp alǵan.
Oblystyq polıtsııa departamenti baspasóz qyzmetiniń málimetinshe, avtokólik ıesine QR ÁQBtK-niń 590-baby 3-bóligimen jáne 590-baptyń 4-bóligimen ákimshilik hattama toltyrylyp, jınaqtalǵan is-qujattary sotqa joldanǵan. Sot sheshimimen júrgizýshi bir jyl kólik basqarý quqyǵynan aıyrylyp, eki táýlikke ákimshilik qamaqqa alynǵan.
Sondaı-aq, júrgizýshige 15 aılyq eseptik kórsetkish kóleminde, ıaǵnı 45 945 myń teńge aıyppul salynǵan.
Buǵan deıin Jambyl oblysynda 4 aıda 305 jol apaty bolǵanyn habarlaǵan bolatynbyz.
Jambyl oblysynda jyl basynan beri 4 aıda 305 jol-kólik oqıǵasy tirkelgen. Jol apattarynan 42 adam qaza tapqan, onyń 12 - si balalar. Al 459 azamat túrli dárejede jaraqat alǵan.