Tarazda zaýyttyń bos turǵan ǵımaraty órtendi
TARAZ. QazAqparat – Tarazda turmystyq qoqystyń janýy ǵımarattyń basym bóligin jalyn sharpýyna ákep soqtyrdy, dep habarlaıdy QazAqparat tilshisi.
Taraz qalasyndaǵy «Taraz Metallýrg zaýyty» JShS-niń 4 qabatty bos turǵan ǵımaratynda órt boldy. Onda jalpy aýdany 1500 sharshy metr bolatyn turmystyq qoqys pen ishki aǵash qaptamasy janǵan. Órt úsh saǵattan asa ýaqytta tolyǵymen sóndirildi.
Órt sóndirýshiler ǵımarattyń 500 sharshy metrin saqtap qaldy. Qaza bolǵandar men zardap shekkender joq. Qazirgi kezde órttiń shyǵý sebebi anyqtalýda.
Oqıǵa ornynda oblystyq TJD 56 qyzmetkeri men 12 birlik tehnıkasy jumys istedi.
«Órtti boldyrmaý jáne adamdardyń qaza bolýy men jaraqat alýyna jol bermeý maqsatynda turǵyndar men oblys qonaqtaryna órt qaýipsizdigi erejelerin qatań saqtaýlary qajettigin eskertemiz»,-delingen oblystyq TJD baspasóz qyzmetiniń habarlamasynda.
