Tarazda zańsyz qurylǵylardy qoldanýyna baılanysty stomatologııa qyzmeti jabyldy

TARAZ. KAZINFORM – Tis emdeý orny memlekettik reestrde tirkelmegen medıtsınalyq quraldardy qoldanǵan.

Egde jastaǵy kásipker, stomatologııanyń ıesi zańsyz qurylǵylar qoldanylǵanyn joqqa shyǵarmady. Ol sotta óziniń kinásin tolyq moıyndap, kemshilikterdi joıýǵa ýáde berdi.

Ákimshilik kodeks boıynsha mundaı quqyqbuzýshylyq úshin 200 AEK (2025 jyly – 786,4 myń teńge) kóleminde aıyppul, qyzmetti toqtatý jáne buıymdardy tárkileý qarastyrylǵan.

Sot kásipkerdiń zeınet jasynda ekenin, kinásin moıyndaǵanyn, ókingenin jáne mundaı quqyqbuzýshylyqty alǵash ret jasaǵanyn eskerip, aıyppul mólsherin 550 myń teńgege deıin azaıtty. Degenmen stomatologııa qyzmeti bir aıǵa toqtatylyp, tirkelmegen medıtsınalyq buıymdar tárkilendi.

Osyǵan deıin Densaýlyq saqtaý mınıstrliginiń stomatologııalyq klınıkalardy lıtsenzııalaý tártibin qaıta qaraıtyny týraly jazdyq.