Tarazda «ıAdrolyq qarýsyz álem qurý» forýmy ótti

Іs-sharaǵa Jambyl oblysyndaǵy joǵary oqý oryndary ujymy men stýdentteri jáne úkimettik emes uıym ókilderi qatysty, dep habarlaıdy TarMPI Aqparattyq-ımıdjdik qyzmeti.

Forýmnyń maqsaty - ıadrolyq qarýsyz álem qurý saıasatyn nasıhattaý jáne odan bas tartýǵa shaqyrý.

Jıyn barysynda TarMPI-dyń Tárbıe jumysy jáne áleýmettik máseleler jónindegi prorektory Orynqyz Joldasova baıandama jasady.

«Bizdiń halqymyzdyń qalaýymen, Elbasynyń bastamasymen budan 25 jyl buryn júzege asqan bul tarıhı aktiniń bolashaq úshin zor máni bar. Bul qyryq jyldan astam ýaqyt boıy bizdiń Jer anamyzdy titirkentken qatal da qaıtalanbas zulmat bolatyn. Málimetter boıynsha, Semeı polıgonynda 1949-1989 jyldar aralyǵynda 468 ret ıadrolyq bomba synaqtan ótkizilgen. Alapat zaýal bir jarym mıllıonnan astam otandasymyzdyń taǵdyryn tálkekke salyp, densaýlyqtaryna zııanyn tıgizdi. Onyń zardaby áli kúnge sezilip keledi»,- dedi O.Joldasova.

Sonymen qatar forýmda «Nevada-Semeı» Halyqaralyq antııadrolyq qozǵalysynyń Jambyl oblystyq fılıalynyń jetekshisi Raısa Rysqulbekova, Qazaqstan halqy Assambleıasy janyndaǵy Analar Keńesi tóraǵasynyń orynbasary Araksııa Pletneva, «Nevada-Semeı» polıgonynyń ardagerleri Lıýdmıla Chekalına, Orazbek Úmishbaev jáne TarMPI-dyń 2-kýrs stýdenti Asylzat Qunanbaı ıadrolyq qarýsyz álem - adamzat umtylýǵa tıis bizdiń ortaq maqsatymyz ekenine toqtalyp, qaýipsizdikti nyǵaıtý jónindegi usynystarymen bólisti.

Forýmnyń sońynda arnaıy úndeý qabyldandy. Úndeýde: «Biz barshańyzdy Elbasymyzdyń baıandy bastamasyna qulaq túrip, beıbitshilikke tóngen ıadrolyq qaterdi joıýǵa, bizdiń ortaq planetamyzdy órkendetýge jáne essizdiktiń naǵyz alapatyn sanaly túrde jete túsinýge shaqyramyz!», delingen.