Tarazda velosıpedpen Astana turǵynyn qaǵyp ketip, ajal qushtyrǵan boıjetkenge jaza kesildi
ASTANA. QazAqparat - Taraz qalasynda velosıpedimen balaly áıeldi qaǵyp ketip, ólim qushtyrǵan 19 jastaǵy qala turǵynyna qatysty sot úkimi shyqty, dep habarlaıdy qalalyq sottyń baspasóz qyzmetinen.
«Taraz qalasynyń № 2 soty jazda áıel adamdy ólimshige qaǵyp ketken 19 jastaǵy qala turǵyny Kórkem Rahmetqulǵa qatysty qylmystyq isti qarady. Osy jyldyń maýsym aıynda K. Rahmetqul qurbylarymen birge velosıped jalǵa alyp, «Dostyq» alańynda aıdap júrgen. 20 mınýt aıdaǵannan keıin, Ortalyq stadıonǵa qaraı velosıpedterimen barmaqshy bolyp ózara kelisken. Jolda K. Rahmetqul qurbylarynan ozyp ketip, jaıaý júrginshilerge arnalǵan jolaǵyna velosıpedin aıdap shyǵyp, balaly áıeldi qaǵyp ketken, alǵan jaraqatynan áıel adam esine kelmeı qalalyq aýrýhanada qaıtys bolǵan», delingen habarlamada.
Sot úkimimen K. Rahmetqul Qazaqstan Respýblıkasy Qylmystyq kodeksiniń 104 babynyń 1 bóligimen (abaısyzda qazaǵa ushyratý) kináli dep tanylyp, oǵan 3 jylǵa bas bostandyǵyn shekteý jazasy taǵaıyndalǵan jáne naq sol merzimge probatsııalyq baqylaý belgilengen.
Úkim zańdy kúshine engen joq.
Eske salaıyq, «QazAqparat» HAA jarııalanǵan aqparattan keıin Taraz qalasyndaǵy kolledj stýdenti, oqıǵaǵa kináli boıjetken óziniń áreketiniń saldarynan habardar bolǵan bette polıtsııaǵa kelip, óz aıybyn moıyndaǵan. Al oqıǵa saldarynan qaıtys bolǵan Astana turǵyny , 32 jastaǵy Sandýǵash Tuıaqbaevanyń artynda úsh balasy qaldy.
