Tarazda ustalǵan 19 jastaǵy jalǵan polıtseı 20 táýlikke qamalýy múmkin
Turar Rysqulov atyndaǵy saıabaqtyń aýmaǵyn patrýldeý kezinde Taraz qalasynyń polıtsııa basqarmasy 1-polıtsııa bóliminiń qyzmetkerleri polıtsııa kıimindegi kúdikti jas jigitti baıqady.
Saıabaqta serýendep júrgen jigit polıtsııa qyzmetkerlerin kórgende sasyp qalǵan.
Tekserý barysynda tártip saqshylary jalǵan polıtseıdiń 19 jasta ekenin jáne onyń Túrkistan oblysynyń turǵyny ekenin anyqtady.
Ustalǵan azamat osyndaı qylmysy úshin 2022 jyldyń sáýir aıynda Shymkent qalasynda sotty bolǵan.
Ol kezde jas jigit TJD qyzmetkeriniń formasyn kıgen eken.
Onyń mundaı qadamǵa qandaı maqsatpen barǵanyn tergeý anyqtaıdy.
Atalǵan derekke qatysty QR QK 390-babynyń 1-bólimi boıynsha sotqa deıingi tergeý amaldary bastaldy.
Osy baptyń sanktsııasy seksen aılyq eseptik kórsetkishke deıingi mólsherde aıyppul salý ne sol mólsherde túzeý jumystary ne seksen saǵatqa deıingi merzimge qoǵamdyq jumystarǵa tartý nemese jıyrma táýlikke deıingi merzimge qamaý túrindegi jazany kózdeıdi.