Tarazda ushaqta tártip buzǵan sheteldik azamat 5 táýlikke qamaýǵa alyndy

ASTANA. KAZINFORM - Sheteldik azamat ushaq bortynda tártip buzǵany úshin 5 táýlikke qamaýǵa alyndy, – dep habarlaıdy Polisia.kz.

Taraz qalasynyń áýejaıyna Dakka-Vnýkova baǵytyndaǵy áýe reısi ushyp kelgennen keıin jelilik polıtsııa bólimshesiniń qyzmetkerleri quqyq buzýshyny anyqtap, áýekompanııa ókilderiniń aktisi boıynsha reısten túsirip aldy.

Tekserý barysynda kólik polıtseıleri Reseı Federatsııasynyń 30 jastaǵy azamatyn anyqtady. Er adam ushý kezinde mas kúıde bolyp, ekıpajdyń talaptaryn oryndamaǵan jáne áýeakompanııa qyzmetkerlerin balaǵattaǵan.

Sondaı-aq, ol Qazaqstan Respýblıkasynyń zańnamasymen tyıym salý belgilengen oryndarda temeki shekken. Reseılik azamat alkogoldik ishimdikterdi ishkeni nemese qoǵamdyq oryndarǵa masań kúıinde kelgeni, temeki ónimderin tutynýǵa tyıym salýdy jáne áýe kemesindegi tártip erejelerin buzǵany úshin 23 AEK mólsherinde aıyppul salyna otyryp jáne usaq buzaqylyq jasaǵany úshin ákimshilik jaýapkershilikke tartyldy.

Sot sheshimimen shetel azamaty usaq buzaqylyq jasaǵany úshin 5 táýlikke qamaýǵa alyndy.