Tarazda úsh jasar bala tórtinshi qabattaǵy terezeden qulap ketti
TARAZ. QazAqparat – Taraz qalasynda tórtinshi qabattaǵy terezeden qulap túsken úsh jasar bala aýrýhanaǵa jetkizildi, dep habarlaıdy QazAqparat Jambyl oblystyq TJD-ne silteme jasap.
Aǵymdaǵy jyldyń 3 maýsymynda saǵat 20:20-da Taraz qalasyndaǵy Sátbaev kóshesiniń № 26 úıinde ata-anasynyń qaraýynsyz qalǵan 2017 jylǵy bala abaısyzda tórtinshi qabattaǵy terezeden qulap, aýrýhanaa jetkizildi.
Oqıǵa ornyna Jambyl oblystyq TJ departamentiniń qyzmetkerleri, jergilikti polıtseıler kelip jetti.
«Azamattyq qorǵanys organdary tarapynan balalardyń terezeden qulaý oqıǵalarynyń aldyn alý boıynsha ótkizilip otyrǵan sharalarǵa qaramastan, mundaı jaǵdaılar jıilep ketken. Eske sala ketsek, bıyl bul osyǵan uqsas tórtinshi oqıǵa. Oblystyq TJ departamenti óz kezeginde eresekterdiń balalar qaýipsizdigine, olardy qaraýsyz qaldyrýǵa bolmaıtynyna nazar aýdartady», - delingen TJ departamenti taratqan habarlamada.
