Tarazda úsh bıge eńseli eskertkish qoıyldy
Danalyq pen ádildiktiń sımvolyndaı bolǵan úsh bıdiń eskertkishi Jambyl oblystyq soty ǵımaratynyń aýmaǵynda ornalasqan.
Ashylý saltanatyna Jambyl oblysynyń ákimi Berdibek Saparbaev, Jambyl oblystyq sotynyń tóraǵasy Erbol Ahmetjanov, QR Joǵarǵy sotynyń burynǵy tóraǵasy Musabek Turǵanbekuly, Jambyl oblystyq sotynyń burynǵy tóraǵasy Maqsut Ábilqaıyrov jáne sot júıesiniń ardagerleri qatysty.
Erbol Ahmetjanov pen Musabek Turǵanbekuly eń kúrdeli kezeńde qazaqtardy biriktirýde sheshýshi ról atqaryp, eldiń erkindigi men táýelsizdigi úshin kúresken uly bılerdiń rýhanı muralary, ónegeli eńbekterine toqtaldy.
«Qazaq bıleriniń ədil sot isin damytýǵa jəne nyǵaıtýǵa qosqan úlesteri ólsheýsiz. Áıtek bı, Qazybek bı, Tóle bıdiń qazaq halqynyń qalyptasýyna, onyń
sot tóreligimen tyǵyz baılanysty bolǵanyn atap ótkenimiz abzal. Eskertkish danalyq pen ádildiktiń nyshany»,- dedi M.Turǵanbekuly.
Budan soń eskertkishke gúl shoqtary qoıyldy.
Saltanatty ashylý rásiminen keıin qonaqtar oblystyq sottyń jańa ǵımaratynda bas qosty. Oblys ákimi Berdibek Saparbaev ár zamannyń ózine saı sot júıesi bolǵanyn, kezindegi Bıler keńesi sonyń aıǵaǵy ekendigin atap ótti.
«Táýelsizdik merekesi qarsańynda oblysymyzdyń ortalyǵy sanalatyn tarıhı Taraz qalasynyń kórkine sán qosyp turǵan oblystyq sottyń jańa
ǵımaratynyń aldynan, alty alashtyń áıgili bıleriniń eskertkishi ashylýy – tarıhı mańyzdy oqıǵa jáne tárbıelik máni zor.
Tóle bı, Áıteke bı, Qazybek bıdiń esimderi qazaq memlekettiligi men qazaq sot tóreligi negiziniń qalanýy tyǵyz baılanysty. Ómirlik tájirıbesi men minsiz bedeliniń arqasynda óz zamanynda olardyń sheshimderi ádil bolǵan jáne kúmán týdyrmaǵan.
Jaqynda Taraz qalasynda ótken «Sot júıesi ǵalymdarynyń dıalogy» I Halyqaralyq forýmyna QR Joǵarǵy Sotynyń Tóraǵasy Jaqyp Asanov, QR Joǵarǵy Sotynyń sýdıasy, Sýdıalar odaǵynyń tóraǵasy Sáken Abdolla, sýdıa-ǵalymdar, Reseı, Túrkııa, Qyrǵyzstan, Ózbekstan men Belarýssııadan kelgen sheteldik zańger ǵalymdar qatysyp, oramdy oılaryn ortaǵa saldy.
Oblystyq sottyń taǵylymdy tarıhy, óz orny qalyptasqan. Sala ardagerleriniń tabysty eńbegin sabaqtastyra otyryp, búgingi qyzmetkerler de adaldyq, týralyq, zańdylyq qaǵıdattaryn basshylyqqa alyp otyrýy tıis. Bul halyqtyń sot júıesine degen seniminiń arta túsýi úshin asa mańyzdy»,-dedi oblys ákimi.
Aıta keteıik, jańa eskertkish betonnan quıylyp, mármár tuǵyrǵa ornatylǵan.
Monýment avtory – músinshi Temirhan Qoljigit. Eskertkishtiń bıiktigi – 3,50 metr.
