Tarazda urlanǵan kólik ıesine qaıtaryldy
TARAZ. QazAqparat - Taraz qalasynda 15 qańtar kúni túngi saǵat 21:30 shamasynda «102»-ge Volkswagen Golf markaly kólikti belgisiz bireýler aıdap ketkeni týraly aqparat túsken bolatyn. Tártip saqshylarynyń jedel áreketiniń nátıjesinde kóp uzamaı kúdikti quryqtaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń habarlaýynsha, oqıǵa kóshedegi beınebaqylaý kamerasyna túsip qalǵan. Qaladaǵy «Jaılaý» shaǵyn aýdanynyń №15 úıiniń mańynan urlanǵan kóliktiń júrip-turýy Tashkent-Áıtıev kósheleriniń qıylysyndaǵy beınebaqylaý kameresina tirkelgen. Tez arada quramynda polıtsııa leıtenanttary Erlan Aıtjanov pen Saǵyndyq Ábildaev bar quzyrly organnyń «Býran-32» toby sonda jiberilip, kúdikti qolǵa túsedi.
Aıta keteıik, kúdikti buryn sottalǵan Taraz qalasynyń 28 jastaǵy turǵyny bolyp shyqqan. Búginde urlanǵan kólik ıesine qaıtarylyp, is boıynsha sotqa deıingi tergep-tekserý sharalary qolǵa alynǵan.
