Tarazda Úndistannan kelgen 91 qazaqstandyq karantınge jatqyzyldy

TARAZ. QazAqparat – Juma kúni saǵat 22.30-da «Áýlıe - Ata» halyqaralyq áýejaıyna Delı-Taraz baǵytyndaǵy ushaq kelip qondy. Onyń bortynda 106 adam, onyń ishinde 91 Qazaqstan azamaty jáne 15 Qyrǵyzstan azamaty boldy ,-dep habarlaıdy QazAqparat oblys ákiminiń baspasóz qyzmetine silteme jasap.

Barlyq jumyldyrylatyn qyzmetterge aldyn ala eskertilip, jolaýshylardy qabyldaýǵa daıyndaldy. Qaýipsizdik maqsatynda arnaıy kıim kıgen medıtsına qyzmetkerleri ár jolaýshyny muqııat tekserip shyqty.

Tikeleı ushý jolaǵynan kelgenderdiń barlyǵy avtobýstarǵa otyrǵyzyldy. Medıtsınalyq jáne polıtsııa qyzmetkerleriniń erip júrýimen olar karantındik statsıonarǵa jetkizilip, jatqyzyldy. Dene qyzýlarynyń kóterilýine baılanysty QR eki azamaty provızorlyq statsıonarǵa ornalastyryldy. Barlyq jolaýshylardan taldaýlar alynyp, zerthanalyq zertteýge jiberildi. Teris nátıje bolǵan jaǵdaıda olardy turǵylyqty jeri boıynsha 14 kúndik úı karantınine alynady.

Sondaı-aq, jolaýshylardyń barlyq jeke zattary, avtobýstar men jedel járdem kóligi óńdeýden ótti.

Al, Qyrǵyzstan Respýblıkasynyń azamattary arnaıy avtokólikpen óz Otanyna jóneltildi.