Tarazda Ulttyq ulannyń qazaq kúresinen úzdik palýandary anyqtaldy
ASTANA. KAZINFORM — Taraz qalasynda qazaq kúresinen QR ІІM Ulttyq ulanynyń chempıonaty ótti. Dástúrli dodada áskerdiń úzdik palýandary bas qosyp, 1995 jyly tájik-aýǵan shekarasynda el qaýipsizdigi jolynda janyn qıǵan 17 jaýyngerlerdiń erligine taǵzym etti. Bul týraly qýatty qurylymnyń baspasóz qyzmeti málim etti.
Chempıonatqa Ulttyq ulannyń óńirlik qolbasshylyqtary men áskerı bólimderinen jasaqtalǵan jeti komandanyń quramyndaǵy 50 balýan qatysty. Jarys barysynda bozkilemde joǵary deńgeıdegi tartysty beldesýler ótip, palýandar ózderiniń sheberligi men jeńiske degen jigerin kórsetti.
Óz salmaq dárejeleri boıynsha chempıon atanǵandar:
60 kelige deıin — Ádilet Іlesbek («Ońtústik» óńirlik qolbasshylyǵy);
66 kelige deıin — Berdibek Úmbethan (6636 áskerı bólimi);
74 kelige deıin — Ulan Eleýsizov (6636 á/b);
82 kelige deıin — Darhan Qoıbaǵar («Ońtústik» ÓńQ);
90 kelige deıin — Álı Álimbı («Ońtústik» ÓńQ);
100 kelige deıin — Nurdáýren Tynyshqalı («Batys» ÓńQ).
Komandalyq esepte «Ońtústik» óńirlik qolbasshylyǵynyń quramasy jeńimpaz atandy. Ekinshi oryndy 5573 áskerı bóliminiń komandasy ıelense, úzdik úshtikti «Batys» óńirlik qolbasshylyǵynyń palýandary túıindedi.
Jeńimpazdar men júldegerler kýboktarmen, dıplomdarmen jáne baǵaly syılyqtarmen marapattaldy. Ulttyq ulanda dástúrli túrde uıymdastyrylatyn bul chempıonat ulttyq sportty damytýǵa, áskerı daıyndyqty jetildirýge jáne Otan aldyndaǵy boryshyn sońyna deıin adal atqarǵan batyr jaýyngerlerdiń rýhyna taǵzym etýge baǵyttalǵan mańyzdy sporttyq is-sharalardyń biri bolyp sanalady.
Aıta keteıik, Gennadıı Golovkın Ulttyq ulan mýzeıine boks qolǵabyn tabystady.
