Tarazda Ulttyq ulan sottalǵanǵa telefon jetkizý áreketin toqtatty
ASTANA. KAZINFORM — Tarazda Ulttyq ulan áskerı qyzmetshileri sottalǵanǵa telefon jetkizý áreketiniń jolyn kesti, dep habarlaıdy vedomstvonyń baspasóz qyzmeti
Taraz qalasyndaǵy túzeý mekemeleriniń birinde QR ІІM Ulttyq ulanynyń áskerı qyzmetshileri rejımdik nysan aýmaǵyna tyıym salynǵan zattardy ótkizý áreketin der kezinde toqtatty.
Qysqa merzimdi kezdesý kezinde sálemdemeni tekserý barysynda, jetkizý men kezdesýlerdi baqylaý bólmesinde (JKB), Ulttyq ulannyń kezekshiliktegi áskerı qyzmetshileri men QAJ qyzmetkerleri birlesip, ylǵal maılyqtardyń qaptamasynan 1 uıaly telefon men 2 USB zarıadtaý shnýryn tapty.
Sálemdemeni sottalǵan azamatpen kezdesýge kelgen turǵyn tapsyrýǵa tyrysqan.
Tyıym salynǵan zattardy ótkizýge árekettengen azamat ákimshilik jaýapkershilikke tartylady. Al tárkilengen zattar saraptamaǵa jiberildi.
Aıta ketý kerek, qylmystyq-atqarý júıesi mekemelerinde zańdylyq pen tártipti qamtamasyz etý – QR ІІM Ulttyq ulanynyń mańyzdy mindetteriniń biri sanalady.
Osyǵan deıin Ulttyq ulan áskerı qyzmetshileri SQO-da 200 myńnan astam qapshyq daıyndaǵanyn jazdyq.