Tarazda túrmege joldanǵan kir sabyndardyń ishinen alty uıaly telefon shyqty
TARAZ. QazAqparat – Tarazdaǵy JD-158/7 mekemesinde tosyn jáıt oryn aldy. Jiti tekseris aıasynda kúndelikti turmysta tutynatyn kir sabyn ishinen 6 birdeı uıaly telefon men qýattaǵysh symdar tabyldy, dep habarlaıdy QazAqparat.
Qýlyqqa barǵandar árbir sabyndy jeke-jeke eritip, arasyna telefondy tyǵyp, qaıta qalpyna aınytpaı keltirgen. Tipten bir qaraǵanda ańǵarý qıynǵa soǵady. Degenmen saqshy qyraǵylyǵynyń arqasynda tyıym salynǵan zattar temir tordyń ar jaǵyna jete qoımady.
Atalǵan túzeý mekemesi qyzmetkerleriniń aıtýynsha, tárkilengen 6 birdeı mobıldik quraldyń tórteýi «NOKIA» jáne ekeýi «L8STAR» markaly. Sońǵy ekeýi tipten shaǵyn kólemdi, soǵan qaramastan beıne, foto túsirý, aýdıo jazýǵa qaýqarly. Qorap syrtynda amalyn asyrýǵa árekettengen joldaýshynyń uıaly telefony nómiri de kórsetilipti.
Qazirgi tańda atalǵan jaıtqa qatysty QR Ákimshilik quqyqbuzýshylyq týraly kodeksiniń 481-babyna sáıkes is sotqa joldaný baǵytynda qujattar rásimdelýde.
