Tarazda túrmege poshtamen joldanǵan sabynnyń ishinen telefon tabyldy
TARAZ. QazAqparat – Taraz qalasyndaǵy túrmege sálemdeme joldaǵan turǵyn uıaly telefondy sabyn ishine tyǵyp, sottalýshyǵa jibermek bolǵan, dep habarlaıdy QazAqparat tilshisi.
Jambyl boıynsha QAJ departamentine qarasty JD-158/7 mekemesi qyzmetkerleriniń jáne 5513 áskerı bóliminiń baqylaý tobynyń jedel áreketiniń nátıjesinde túzeý mekemesine «Qazposhta» arqyly tyıym salynǵan zatty jóneltýge árekettengen azamatshanyń qıturqy isi áshkere boldy.
«Royal Kimi ıis sabynynyń ishine jasyrylǵan «sálem-saýqatty» ashý kezinde INOI-102 markaly uıaly telefony tabylyp, tárkilendi. Budan bólek, Beeline baılanys operatorynyń 1 sim-kartasy men USB baýy anyqtalǵan» delingen departamenttiń baspasóz qyzmetiniń habarlamasynda.
Qazirgi tańda «Qazposhta» arqyly sálemdeme jibergen azamatsha anyqtalýda. Atalǵan zańbuzýshylyqqa baılanysty QR ÁQBtK 481-baby 1-bóligi boıynsha ákimshilik hattama toltyrylyp, sotqa joldanbaq.
