Tarazda turǵyndarynyń 1 mln teńgesin jymqyrǵan alaıaq áıel ustaldy
TARAZ. QazAqparat – Tarazda turǵyndardy bir mıllıon teńgeden astam aqshaǵa aldap ketken alaıaq áıel ustaldy,- dep habarlaıdy QazAqparat tilshisi.
Krımınaldyq polıtsııa qyzmetkerleri birneshe alaıaqtyq deregin jasaǵan degen kúdikpen Taraz qalasynyń 42 jastaǵy turǵynyn ustady, ol turǵyndardy aldap, aqshany kóbeıtip beremin nemese qaıtarymsyz nesıe áperemin degen syltaýmen aqshalaryn ıemdengen.
«Aldyn ala tergeý barysynda alaıaqtyń qurbany bolǵan segiz adamnyń alaıaq áıelge jalpy somasy bir mıllıon teńgeden astam aqsha qarajatyn bergeni anyqtaldy. Atalǵan derekke qatysty Qazaqstan Respýblıkasy Qylmystyq kodeksiniń 190-babynyń 3-bóligi (Alaıaqtyq) boıynsha sotqa deıingi tergeý amaldary júrgizilýde. Alaıaqtyń aldaý áreketiniń qurbany bolǵan ózge de tulǵalardy anyqtaý maqsatynda birqatar tergeý amaldary júrgizilýde», – dep habarlady Jambyl oblysynyń PD Krımınaldyq polıtsııa basqarmasynyń bastyǵy Ardaq Madımarov.
