Tarazda turǵyn úılerdiń aýlasyn sý basty
TARAZ. QazAqparat - Taraz qalasynyń jekemenshik sektoryndaǵy turǵyn úılerdiń aýlasyn sý basty, dep habarlaıdy Jambyl oblystyq TJD baspasóz qyzmetine silteme jasaǵan QazAqparat.
«22 qazan kúni keshke Tarazdaǵy Zerbulaq jasandy sý qoımasynyń jaǵalaýynda qurylys jumystary kezinde sý jiberý saldarynan Ulbıke aqyn kóshesi, Krýpskaıa 1-shi tuıyq kóshesindegi jekemenshik turǵyn úılerdiń aýlasyn sý basqan. Sýdyń deńgeıi 10-20 sm boldy», - delingen vedomstvonyń habarlamasynda.
Osy aýdan turǵyndarynyń habarlaýynsha, sý deńgeıi bir metrdeı kóterilip, jertóle bólmeleri, as ishetin bólmeler, sharýashylyq qoımalardy sý basqan. Sý basý týraly habarlamalar áleýmettik jelilerde tarady.
«TJD kúshimen (13 qyzmetker men 3 tehnıka) sýdy sorǵylaý jumystary júrgizildi», - dep naqtylady Jambyl oblystyq TJD-nen.
Eske sala keteıik, qala kúnine oraı oblys ortalyǵynda «Úshbulaq» arnasynan Zerbulaq kóline deıin jalǵasatyn alǵashqy abattandyrylǵan jaǵalaý ashý jumysy júrip jatyr.
