Tarazda turǵyn úıden órt shyǵyp, 32 adam evakýatsııalandy
Búgin, 27 jeltoqsan kúni saǵat 1:24-te Taraz qalasynyń kezekshi pýltine Saǵyndyqov kóshesindegi 5 qabatty turǵyn úıdiń 2-qabatyndaǵy páterde órt shyqqandyǵy týraly habarlama tústi. Saǵat 1:49-da órt tolyǵymen joıyldy. TJD kúshimen 32 adam, onyń ishinde 6 bala evakýatsııalandy. Órtti sóndirýge 14 adam jáne 3 tehnıka quramynda TJD kúshteri men quraldary jumyldyryldy.
Kúıik shalǵan 1930 jylǵy áıel aýrýhanaǵa jatqyzyldy (1-2 dárejeli 15% dene kúıigi, ortasha aýyrlyq dárejesi).
Órt otty abaısyz paıdalanýdan bolýy múmkin.
Osy oraıda, TJM turmystyq órt qaýipsizdigi erejelerin qatań saqtaýǵa shaqyrady.
- Elektr júıesin, sonyń ishinde úlkenderin bir ýaqytta qospaý;
- Qosylǵan elektr jáne gaz jabdyqtaryn qaraýsyz qaldyrmaý;
- Úıde janǵysh suıyqtyqtar men jarylǵysh zattardy saqtamaý;
- Balalardyń otpen oınaýyna jol bermeý qajet.
Foto: facebook.com/qrtjm