Tarazda turǵyn úı órtenip, 2 bala mert boldy
TARAZ. QazAqparat – Taraz qalasynda turǵyn úılerdiń birinde órt bolyp, eki bala qaza tapty, dep habarlaıdy QazAqparat tilshisi.
Bul týraly oblystyq polıtsııa departamentiniń baspasóz qyzmeti habarlady.
«1qazanynda saǵat 09:57 mınýtta polıtsııaǵa, Taraz qalasy Aqmola kóshesinde órt oryn alǵany týraly habar kelip tústi. Oqıǵa ornyna kelip jetken órt sóndirýshiler órtti sóndirgen. Oqıǵa ornyn qaraý barysynda polıtseıler 2017 jáne 2018 jyly týylǵan eki balanyń máıitin tapqan»,-delingen habarlamada.
Qazir osy derek boıynsha QR QK-niń 292 baby 3 b.-boıynsha sotqa deıingi tergeý bastalǵan. Qajetti saraptamalar taǵaıyndaldy.
Jambyl oblysynyń polıtsııa jáne tótenshe jaǵdaılar departamenti ata-analardy balalaryn qaraýsyz qaldyrmaýǵa, sondaı-aq balalaryn turmysta ózin ustaýdyń qaýipsizdik erejelerine úıretý qajettigine shaqyrady.
