Tarazda Turar Rysqulovtyń 125 jyldyǵyna oraı respýblıkalyq konferentsııa ótti
M.H.Dýlatı atyndaǵy Taraz memlekettik ýnıversıtetiniń bas ǵımaratynda ótken respýblıkalyq konferentsııaǵa elimizdiń ár aımaǵynan arnaıy kelgen ǵalymdar men atalǵan oqý ordasynyń professor oqytýshylar quramy, stýdentter qatysty. Ony TarMÝ rektory, professor Mahmetǵalı Sarybekov júrgizip otyrdy. Oblysy ákiminiń orynbasary Sulýshash Qurmanbekova sharanyń alǵy sózinde qatysýshylardy óńir basshysy Asqar Myrzahmetovtyń atynan quttyqtap, konferentsııa jumysyna sáttilik tiledi.
«Ult azattyǵy jolynda qurban bolǵan halqymyzdyń asyl perzentiniń rýhyna taǵzym etý – búgingi urpaqtyń paryzy. Jactarymyz elimizdiń ótken tarıhyn jaqsy bilýge tıis. Óıtkeni, eldiń, jerdiń tarıhy – halyqtyń qasiretti taǵdyry. Óńirimizde T.Rysqulovtyń esimin ulyqtaý jáne máńgi este qaldyrý jumystary jalǵasýda. Bir aýdan, birneshe mektep, kósheler, oblys ortalyǵyndaǵy demalys saıabaǵy Alashtyń maqtaýly ulynyń esimimen atalady»,– degen Sulýshash Qurmanbekova kórnekti tulǵanyń ómiri men qyzmetine qysqasha toqtalyp ótti.
Qazaqstan Ǵalymdar Odaǵynyń prezıdenti, ekonomıka ǵylymdarynyń doktory, professor, QR UǴA akademıgi, QR memlekettik syılyǵynyń ıegeri Orazaly Sábden «Turar Rysqulov – halyqaralyq deńgeıdegi kórnekti qoǵam men memleket qaıratkeri» taqyrybynda baıandama jasap, tulǵanyń kúlli KSRO-ny ýysynda ustaǵan Ctalınniń ondaǵan jyldar boıy orynbasary bolǵanyn, keıin náýbet jyldarynda qazaqty asharshylyqtan qutqaryp qalýǵa baılanysty shara qoldanýdy surap, qaharly basshyǵa hat jazǵanyn, Túrksib qurylysynyń negizin qalaýshylardyń biri, elimizde 15-ke jýyq joǵary oqý ornynyń ashylýyna bastamashy bolǵanyn erekshe tebirenispen atap ótti.
«Turar Rysqulovtyń jeke tulǵasy týraly aıtqanda, onyń kedeı sharýanyń otbasynda dúnıege kelgenin, balalyq shaǵynan bastap joqshylyq zardabyn tartqanyn, anasynan tym erte aıyrylǵanyn jáne jasóspirim shaǵynda ákesiz qalǵanyn atap ótý qajet. Ákesi ózine qııanat jasaǵan bolysty óltirgeni úshin katorgaǵa aıdalǵan. Bul jáıt uly jazýshy Muhtar Áýezovtiń shyǵarmasy boıynsha túsirilgen «Qarash-Qarash» fılminen belgili. Revolıýtsııaǵa deıin-aq ol Tashkent muǵalimder ınstıtýtyna oqýǵa túsedi. Turar Rysqulov 1916 jylǵy kóteriliske belsene qatysady. Munda T.Rysqulov ózin, eger kerek bolsa, barshamen birge kóshege de, saıası demonstratsııaǵa da shyǵýdan, al eger qajet bolsa, barrıkadaǵa da turýdan taısalmaıtynyn kórsetedi,– dedi ǵalym.
Konferentsııa jumysynyń barysynda Turar Rysqulovtyń qoǵamdyq-saıası qyzmeti, Turar jáne tutas Túrkistan ıdeıasy, T.Rysqulov jáne Áýlıe-Ata óńiri, T.Rysqulov – ekonomıst jáne qarjyger, T.Rysqulov – pýblıtsıst, qazaq ádebıeti men ónerindegi onyń beınesi, T.Rysqulov jáne túrkitaný máseleleri taqyryptary jan-jaqty qaýzaldy.
Ál-Farabı atyndaǵy Qazaq Ulttyq ýnıversıtetiniń professory, tarıh ǵylymdarynyń doktory Svetlana Smaǵulova, Qazaqstan Jazýshylar odaǵynyń múshesi, turartanýshy Muhtar Qazybek, Qazaqstan Respýblıkasy Prezıdenti syılyǵynyń ıegeri, jýnalıst, jazýshy Kólbaı Adyrbekuly, Gúlnar Qozǵanbaeva Ál-Farabı atyndaǵy Qazaq Ulttyq ýnıversıtetiniń dotsenti, tarıh ǵylymdarynyń kandıdaty, Sh.Ýálıhanov atyndaǵy Tarıh jáne etnologııa ınstıtýtynyń «XX ǵasyrdaǵy Qazaqstan tarıhy» bóliminiń meńgerýshisi, tarıh ǵylymdarynyń kandıdaty Sábıt Shildebaı, M.H. Dýlatı atyndaǵy Taraz memlekettik ýnıversıtetiniń professory, fılologııa ǵylymdarynyń doktory Merýert Kópbaeva jáne taǵy da basqa ǵalymdar tulǵanyń elge sińirgen eńbegin saralap baqty.
Jıyn sońynda Erkin Raqyshovtyń «Turar Rysqulov» atty fılmi kórsetildi. Konferentsııa jumysy ary qaraı sektsııalar boıynsha jalǵasyn tapty.
